DTF-skulen
Oppstart og dysetest
Oppstart og dysetest
1.4 Oppstart og dysetest
Dysetesten er det viktigaste enkeltbiletet i heile DTF. Han fortel deg om maskina er frisk før du bruker film og tid.
- Slå på og la maskina gå seg varm. 5–10 minutt. Sjekk samtidig temperatur og luftfukt på hygrometeret.
- Rist og kontroller kvitblekket. Rist flaska 30–60 sekund. Sjå at nivået i alle kanalar er over 20 %.
- Skriv ut dysetest. Alle fem kanalar. Sjå på mønsteret i godt lys, gjerne med lupe.
- Tolk resultatet. Alle strekar til stades og rette = klar. Manglande strekar = tette dyser. Skeive/bøygde strekar = avbøygde dyser eller skit på hovudet.
- Rens ved behov. Køyr éin reinsesyklus, ny dysetest. Maks 3 syklusar etter kvarandre — meir enn det gjer vanlegvis vondt verre og brenner blekk.
- Framleis feil etter 3 syklusar? Stopp. Lat maskina kvile 20–30 minutt med reinsevæske på kapselen, prøv på nytt. Ser du ingen betring: gå til nivå 2/3 sine prosedyrar i staden for å køyre fleire syklusar.
| Det du ser i dysetesten | Kva det tyder | Første tiltak |
|---|---|---|
| Alle strekar rette og komplette | Frisk maskin | Kjør på |
| Nokre få manglande strekar, spreidde | Lett inntørking | 1 reinsesyklus |
| Heile blokker manglar i éin kanal | Luft i damparen eller tom kanal | Sjekk blekknivå og dampar for luftboble |
| Strekar bøygde eller skeive | Skit/fiber på nozzleplata | Forsiktig manuell tørk av hovudplata (nivå 3) |
| Kvit kanal svak, fargane fine | Sedimentert kvitblekk | Rist, køyr sirkulasjon, ny test |
| Blir verre for kvar reinsing | Kapsel/wiper skit eller pumpeproblem | Stopp reinsing. Reingjer kapsel og wiper. |